Kryeprokurori i Prokurorisë Themelore në Prishtinë, Zejnullah Gashi, mbrëmë e ka shkelur rënd Kodin e Etikës dhe Sjelljes Profesionale për Prokurorë. Në kundërshtim me parmet e përgjithshme të këtij kodi, ai është parë duke festuar me njerëz të fuqishëm të Qeverisë Kurti.
Kryeprokurpri Gashi nuk e kishte parë fare si problem që të qëndronte me orë të tera i rrethuar me zyrtarë të lartë qevertër.
Duke injoruar çdo parim etik e profesional, ai kishte zgjedhur që ndeshjen historike Sllovaki – Kosovë ta shikonte nga stadiumi në Bratisllavë së bashku me disa zyrtarë të lartë të partive politike.
Në një fotografi të postuar nga kryetari i Prishtinës, Përparim Rama, kryeprokurori i Prishtinës shihet i rrethuar nga zëvendëskryeministri i parë dhe nënkryetari i VV-së, Glauk Konjufca dhe kryetarit të partisë Guxo, Faton Peci, i cili është edhe kryetar i komunës së Mitrovicës.
Gjithashtu, afër prokurorit shihet edhe ministri i Kulturës, Rinisë dhe Sportit, Blerim Gashani.
Fotografinë e publikuar tregon se përveç kryetarit të Prishtinës, Përparim Rama, aty ishte edhe kryetari i Drenasit, Ramiz Lladrovci.
Ky veprim i kryeprokurorit të Prishtinë është në kundërshtim me Kodin e Etikës dhe Sjelljes Profesionale për Prokurorë.
Ky kod, i cili përcakton parime që duhet t`i kenë prokurorët gjatë ushtrimit të mandatit të tyre, ia ndalon prokurorit Gashit “festat” dhe ndejat me politikanë.
Në faqen 7 të këtij kodi thuhet se prokurorët duhet të shmangin çdo sjellje dhe situatë që mund të vërë në pikëpyetje integritetin dhe paanshmërinë e tij.
“Prokurori gjatë gjithë kohës, në të gjitha rrethanat, në detyrë dhe në jetën private duhet: 3.1. T’i respektojë standardet e larta të sjelljes profesionale dhe personale; 3.2. T’i kryejë detyrat me paanshmëri dhe kujdes; 3.3. Të shmangë çdo sjellje dhe situatë që mund të vërë në pikëpyetje integritetin dhe paanshmërinë; 3.4. Ta respektojë dhe t’i përmbahet ligjit; 3.5. T’i kryejë detyrat e tij bazuar në standardet e njohura ndërkombëtare për të drejtat e njeriut”, thuhet në faqen 7 të këtij kodi.
Më pas, në faqen 9, Kodi i Etikës dhe Sjelljes Profesionale për Prokurorë e ndalon një veprim të cilin kryeprokurori Gashi e ka bërë mbrëmë.
“Prokurori duhet të përmbahet nga çdolloj sjelljeje që mund të nxitë dyshime se është person politik”, thuhet në faqen 9 të Kodit të në fjalë.
Për më tepër, prokuroria që drejton Zejnullah Gashi, kohë me parë kishte pasur punë me politikanët që shihen në fotografi.
Prokuroria e Prishtinë, para disa viteve, ishte marrë edhe ish-ministrin e Bujqësisë, Faton Peci.
Derisa ky i fundit e kishte akuzuar biznesmenin Behxhet Pacollin për përfshirje në vrasjen e vëllezërve Gërvalla, prokuroria e Prishtinës ishte marrë me te.
“Behxhet Pacolli, po të drejtohem shumë gjakëftohtë. Shumë faleminderit për këshillën more “trim altruist”. Po prej se e kam kuptu që emri yt figuron në dosjen e vrasjes së njërit prej heronjve më të shquar të historisë së Kosovës, unë ty të llogariti diçka tjetër”, kishte shkruar Peci në profilin e tij në Facebook.
Për këto pretendime, ai ishte intervistuar nga vartësit e kryeprokurorit Zejnullah Gashit.
Deri me tani kryeprokurorit i Prokurorisë së Prishtinës, Zejnullah Gashit, nuk e ka dhënë asnjë sqarim në lidhje me këtë fotografi.
