Kryeministri në detyrë, Albin Kurti ka pritur dje në objektin e Qeverisë qytetarë nga diaspora. Ai aty ju bëri thirrje që të mos udhëtojnë për në Kosovë nga Serbia, e gjithë kjo për shkak të ndalimeve që po ndodhin nga autoritetet atje, shkruan Reporteri.net.
“Më lejoni që t’ju bëjë thirrje të gjithë juve këtu, e nga juve këtu edhe bashkëqytetarëve dhe bashkatdhetarëve tanë që t’i shmangin udhëtimet dhe kalimet tranzite përmes territorit të Serbisë, për shkak të rrezikut për ndalime dhe arrestime arbitrare nga autoritetet serbe”, tha Kurti para tyre.
“Kësisoj më së miri sigurohemi që udhëtimet tuaja janë të mbara e pa ndonjë shqetësim apo maltretim. Në të njëjtën kohë, nuk ia japim kënaqësinë Serbisë së dëshpëruar për brutalitete të reja”, shtoi Kurti.
