Bujanoc – Është identifikuar i riu që humbi jetën pas një përleshjeje të dhunshme mes dy grupeve të rinjsh mbrëmjen e kaluar në qytetin e Bujanocit. Viktima është Arbenit Mujaj, vetëm 18 vjeç.
Sipas familjarëve, Arbeniti ishte i punësuar në biznesin familjar që merrej me pastrim të automjeteve, dhe ishte i njohur në komunitet si një i ri i qetë dhe punëtor.
Ngjarja tronditi opinionin publik në Luginë dhe më gjerë, pasi i riu ndërroi jetë në spitalin e Nishit si pasojë e plagëve të rënda me thikë në zonën e gjoksit.
Varrimi i Arbenit Mujajt do të bëhet sot, më 7 gusht 2025, në orën 18:00, në varrezat e qytetit të Bujanocit.
