Prishtinë – Publicisti Mufail Limani ka reaguar lidhur me protestën e paralajmëruar për nesër, e cila pritet të mbahet për padrejtësitë që, sipas organizatorëve, po i bëhen vendit nga Gjykata Speciale në Hagë, ku po gjykohen ish-krerët e Ushtrisë Çlirimtare të Kosovës.
Në një postim në Facebook, Limani ka theksuar se protesta, nëse do të ndiqej “logjika e pastër”, do të duhej të mbahej para ambasadës amerikane dhe zyrës së Bashkimit Evropian në Prishtinë.
“Nëse do të ndiqej logjika e pastër, protesta kundër Speciales do të duhej të mbahej para ambasadës amerikane dhe asaj zyrës së BE-së. Ata duhet ta dinë se e dimë, se nuk ua kemi pasë borgj pazaret e tyre me Rusinë e Serbinë dhe se nuk do të harrojmë!”, ka shkruar Limani.
Protesta kundër Speciales është thirrur nga disa organizata dhe individë, të cilët pretendojnë se proceset gjyqësore në Hagë po zhvillohen në mënyrë të njëanshme dhe politike.
