Komisioni Qendror i Zgjedhjeve (KQZ) po bën tërheqjen e shortit për renditjen e subjekteve politike të certifikuara në fletëvotime për zgjedhjet lokale që do të mbahen më 12 tetor, shkruan Periskopi.
PDK do të garojë me numrin 191 në zgjedhjet komunale të 12 tetorit.
Pas kësaj ka reaguar kryetari Memli Krasniqi, i cili ka zbuluar slloganin e partisë së tij në zgjedhjet e 12 tetorit.
“Me numrin 191, PDK hyn në zgjedhjet lokale për t’ua sjellë komunave të Kosovës modelin e qeverisjes #MaMirë – me punë, përgjegjësi dhe vizion. Me kandidatët më të mirë për kryetarë, këshilltarët më të përgatitur komunalë dhe programin më zhvillimor, jemi gati për fitore. Bashkë, përpara!”, thuhet në postimin e Krasniqit në Facebook.
