Milani ka nisur zyrtarisht negociatat me klubin gjerman Bayer Leverkusen për transferimin e mesfushorit shqiptar Granit Xhaka, gjatë merkatos së verës.
Sipas raportimeve, mesfushori me përvojë është një ndër objektivat kryesorë të “Rossonerëve”, të cilët synojnë përforcimin e skuadrës në funksion të rikthimit në garat evropiane sezonin e ardhshëm.
Burime të afërta me klubin, përfshirë eksperti i transferimeve Fabrizio Romano, bëjnë të ditur se kontakti i parë direkt mes Milanit dhe Leverkusenit ka ndodhur të enjten, ndërsa palët kanë nisur bisedimet për një marrëveshje të mundshme. Xhaka thuhet të jetë i hapur për t’u bashkuar me projektin e klubit italian, duke e parë Milanin si një hap të rëndësishëm në karrierën e tij.
Vlera e mundshme e transferimit mendohet të jetë rreth 15 milionë euro, një shumë që Milani është i gatshëm ta investojë për të siguruar shërbimet e reprezentuesit shqiptar në “San Siro”.
Nëse transferimi realizohet, Xhaka do të rikthehej në Serie A pas një dekade në Bundesligë dhe Premier League, duke shtuar përvojë dhe cilësi në mesin e fushës për kuqezinjtë.
