Ministria e Shëndetësisë, në përputhje me rekomandimet e Institutit Kombëtar të Shëndetësisë Publike të Kosovës, ka kërkuar nga institucionet publike dhe private që të marrin masa mbrojtëse për punëtorët gjatë periudhës 11-15 gusht 2025, për shkak të temperaturave të larta që priten të ndikojnë në shëndetin e tyre.
Temperaturat e larta ndikojnë negativisht në shëndetin, sidomos te grupet më të ndjeshme si fëmijët, të moshuarit, gratë shtatzëna, personat me sëmundje kronike, si dhe punëtorët që punojnë në ambiente të hapura apo në kushte me temperatura të larta.
Ministria fton të gjitha institucionet që të zbatojnë këto rekomandime, për të siguruar mbrojtjen e shëndetit të punëtorëve dhe grupeve të tjera vulnerabël.
