Derisa po diskutohej procesi i normalizimit mes Kosovë dhe Serbisë dhe procesi i Dialogut, Deda ishte pesimist se pas katër vitesh të diplomacisë jo të mençur të qeverisë Kurti, Kosova do të trajtohet si ma parë, për shkak të mendësisë së ‘çmendur nacional-shoviniste’ dhe kjo duhet adresuar.
“Prej 2010’së isha ithtar që duhet të shkohet drejt marrëveshjes finale sa më shpejt që është e mundur. Ku ka normalizim mes Kosovës e Serbisë pas një procesi katërmbëdhjetë vjet dialog. Unë s’them që s’do të ketë njohje, por Kosova brenda do të duket ndryshe prej asaj…edhe këtë Asociacion që sot kritikohet mund të jetë që do të lutet të kthehet aty në qoftë se Kosova nuk vepron më mençur. Kosova, katër vitet e fundit ndërtoi dosje – e cila po rritet – për shkeljet e të drejtave të serbëve. E kam thënë këtë shpesh e askush tjetër. Të gjithë e thonë por jo para kamerave, por është një e vërtetë e madhe. Edhe ky debati ynë i brendshëm shoqëror – këta që kundërshtojnë punojnë për Serbi – është një tmerr kur e shohin dikush nga jashtë”.
Deda shtoi se procesi i Dialogut siçu ndërmjetësua nga Brukseli ishte i mangët dhe e ka kritikuar në vazhdimësi, por tash do të ishte edhe Asociacioni i pranueshëm pas qasjes së katër viteve të fundit./gazetametro.net
