George Banks, i njohur si një nga vrasësit më të mëdhenj në masë në historinë amerikane, ka ndërruar jetë në moshën 83-vjeçare, në burgun shtetëror të Phoenix, në Pennsylvania, pas një beteje me kancerin e veshkave.
Banks kaloi 43 vjet pas hekurave, pas masakrës së vitit 1982 në Wilkes-Barre, ku vrau 13 persona, përfshirë pesë fëmijët e tij, të moshave nga një deri në gjashtë vjeç. Ngjarja u konsiderua nga autoritetet si një nga krimet më të rënda në historinë e SHBA-së.
Sipas dokumenteve gjyqësore, Banks, pasi kishte konsumuar alkool në një festë, mori armën dhe hapi zjarr ndaj familjes së tij në shtëpi. Viktimat përfshinin:
-
Pesë fëmijët e tij
-
Katër nënat e fëmijëve
-
Tre persona të tjerë, përfshirë një 7-vjeçar, një 11-vjeçar dhe një adoleshent
Pas masakrës, ai u vesh me uniformë ushtarake dhe u nis në rrugë, duke qëlluar edhe ndaj adoleshentëve të tjerë.
Më vonë, ai vodhi një makinë dhe u drejtua drejt Heather Highlands Trailer Park, ku policia gjeti trupat e disa anëtarëve të tjerë të familjes së tij.
Në fund, Banks vizitoi shtëpinë e nënës së tij, ku thuhet se i ka thënë asaj:
“I kam vrarë. I kam vrarë të gjithë.”
Pas një përplasje katërorëshe me policinë, ai u dorëzua. Fillimisht, gjykata e dënoi me dënim me vdekje, por vendimi u bllokua pasi ai u shpall i paaftë mendërisht për ekzekutim, duke u dënuar me burgim të përjetshëm./Qendra.INFO
