Bujanoc, 14 tetor 2025 – Prokuroria Themelore Publike në Vranjë ka konfirmuar arrestimin e Stefan Arsiqit, ndihmës-kryetar i Komunës së Bujanocit, dhe të atit të tij Sashë Arsiqit, asamblist në Kuvendin Komunal.
Ata dyshohen se kanë rrahur brutalisht ish-policin në pension, Tisë Trajkoviqin, duke i shkaktuar lëndime të rënda trupore.
Sipas prokurorisë, ngjarja ka ndodhur më 9 tetor 2025 në fshatin Klenik, ndërsa të dyshuarve u është caktuar masa e ndalimit prej 48 orësh.
Pas marrjes në pyetje në prani të avokatit mbrojtës, prokuroria do të vendosë për hapat e mëtejshëm, përfshirë mundësinë e kërkesës për paraburgim deri në 30 ditë.
