13 tetor 2025 – Komisioni Qendror i Zgjedhjeve (KQZ) ka bërë të ditur se sot, në orën 16:00, në Qendrën Komunale të Numërimit në Prishtinë, në sallën “1 Tetori”, do të nisë numërimi i votave për kandidatët për Kuvendet Komunale.
Zëdhënësi i KQZ-së, Valmir Elezi, ka konfirmuar këtë proces duke theksuar se pas numërimit të fletëvotimeve për kryetarë, tani radha i takon kandidatëve për asamble komunale.
Sipas rezultateve preliminare, deri më tani:
-
Lëvizja Vetëvendosje (LVV) ka fituar pa balotazh në tri komuna;
-
Partia Demokratike e Kosovës (PDK) po ashtu në tri komuna;
-
Lidhja Demokratike e Kosovës (LDK) në dy komuna;
-
ndërsa Aleanca për Ardhmërinë e Kosovës (AAK) në një komunë.
Procesi i numërimit pritet të zgjasë disa orë, ndërsa rezultatet zyrtare do të publikohen nga KQZ pas verifikimit të plotë.
