Kryetari i PDK’së, Memli Krasniqi, gjatë të martës ka pritur në takim Ambasadorin e Mbretërisë së Bashkuar në Kosovë, Jonathan Hargreaves, shkruan Gazeta Metro
“Diskutuam për situatën politike në vend, zhvillimet paszgjedhore dhe nevojën urgjente për funksionalizimin e institucioneve të reja, në përputhje me Kushtetutën”.
Tutje Krasniqi tha se PDK do të vazhdojë të luajë rol konstruktiv, në mbrojtje të rendit kushtetues
“Me Ambasadorin Hargreaves ndava shqetësimet tona për bllokadën aktuale institucionale, e cila po e dëmton besimin e qytetarëve dhe po pengon zhvillimin demokratik të vendit. E ritheksova se Partia Demokratike e Kosovës do të vazhdojë të luajë rol konstruktiv, në mbrojtje të rendit kushtetues, demokracisë funksionale dhe partneritetit tonë të fortë me Mbretërinë e Bashkuar dhe miqtë ndërkombëtarë të Kosovës”, tha Krasniqi.
Gjatë të mërkurës, gjithashtu Krasniqi pati takim edhe me të Ngarkuarën me Punë në Ambasadën e SHBA’së në Kosovë, Anu Prattipati./gazetametro.net
