Prishtinë – NISMA për Kryeqytetin ka prezantuar listën e saj zgjedhore, të cilën e cilëson si “ekipin më të zgjedhur të Kryeqytetit”. Sipas subjektit, lista përmban 70% të rinj dhe rreth 50% gra, duke e konsideruar këtë si një standard të politikës së së tashmes dhe së ardhmes.
“Në listën tonë janë të përfaqësuara të gjitha lagjet, fshatrat, profesionet dhe familjet e dalluara të Kryeqytetit. Dashuria për Kryeqytetin, përkushtimi dhe puna na bëjnë të dalluar, prandaj edhe kërkojmë besimin e qytetarëve me sinqeritetin më të plotë,” thuhet në njoftim.
NISMA ka theksuar se do të vazhdojë “përjetësisht angazhimin për Prishtinën e përjetshme”, duke ftuar qytetarët t’i bashkohen në këtë mision.
#PerjetePrishtina ♾️🤍
