Presidentja e Kosovës, Vjosa Osmani, është takuar sot me Sekretarin e Përgjithshëm të NATO-s, Mark Rutte, gjatë samitit të Komunitetit Politik Evropian (EPC) që po mbahet në Danimarkë.
Në një postim në rrjetet sociale, Osmani u shpreh se takimi ishte një mundësi e rëndësishme për të riafirmuar gatishmërinë e Kosovës për koordinim të rregullt me aleatët ndërkombëtarë në mbrojtje të paqes dhe sigurisë në vend dhe në të gjithë Ballkanin Perëndimor.
“Theksova rolin vendimtar të NATO-s në garantimin e stabilitetit rajonal, si dhe përkushtimin e Kosovës për të qenë një partnere e besueshme në përballjen me sfidat e përbashkëta,” shkroi Osmani.
Ky takim zhvillohet në një kohë kur siguria në rajon mbetet ndër temat kryesore të diskutuara në forume ndërkombëtare, me NATO-n që vazhdon të luajë rol kyç për stabilitetin dhe sigurinë në Kosovë.
