Presidentja Vjosa Osmani ka bërë të ditur se e ka tërhequr kërkesën e dorëzuar në Gjykatën Kushtetuese, për mbrojtjen e rendit kushtetues pas bllokimit të konstitumit të Kuvendit.
Në një konferencë për media të thirrur të martën, Osmani bëri të ditur arsyen e tërheqjes së kërkesës së saj.
Sipas Osmanit, tërheqja e kërkesës është bërë pas konfirmimit se gjyqtar raportues për kërkesën e Osmanit është caktuar gjyqtari nga radhët e komunitetit serb, Radomir Llaban.
“Kërkesa është tërhequr pas konfirmimit se gjyqtar raportues është caktuar gjyqtari Radomir Llaban, për të cilin instituicionet e sigurisë në vitet 2018, 2021 dhe 2024 kanë dorëzuar informata zyrtare se ky gjyqtar paraqet rrezik për sigurinë kombëtare dhe se i njëjti është i angazhuar kundër rendit kushtetues së Republikës së Kosovës”, ka thënë Osmani para mediave.
Pra, ndonëse Kosova është në krizë të thellë politike ku nuk ka arritur të themelojë institucionet e dala nga 9 shkurti, presidentja vendos ta tërheqë rastin.
