Preshevë – Burime të mirëinformuara nga Qendra .INFO bëjnë të ditur për rritje të pakënaqësive brenda koalicionit të vetëqeverisjes lokale në Preshevë, të udhëhequr nga Kryetarja e Komunës, Ardita Sinani, njëherazi këshilltare e Kryeministrit të Kosovës, Albin Kurti.
Sipas këtyre burimeve, disa nga krerët e partive partnere në këtë koalicion janë ftuar në takim në Prishtinë nga vetë Kryeministri Kurti. Kjo lëvizje është interpretuar nga brenda koalicionit si një ndërhyrje e drejtpërdrejtë në politikën e brendshme të Luginës së Preshevës, respektivisht në punët e Komunës së Preshevës.
Pakënaqësitë kanë ardhur në një kohë kur balanca politike në komunën shqiptare të Preshevës është delikate dhe çdo ndikim nga jashtë mund të përkeqësojë marrëdhëniet mes partnerëve lokalë të koalicionit.
Nuk dihet ende nëse kjo situatë do të sjellë pasoja konkrete në funksionimin e qeverisjes lokale, por zërat për tensione të brendshme janë shtuar ndjeshëm.
