Në Gjykatën Themelore në Prishtinë ka nisur seanca e radhës në gjykimin ndaj Naim Murselit, Kushtrim Kokallës dhe Granit Plavës të akuzuar për vrasjen e Liridona Ademajt.
Në seancë janë prezantuar prova të reja në këtë rast, shkruan gazeta online Reporteri.net.
I akuzuari kryesor në këtë rast, Naim Murseli është ballafaquar me pamje që faktojnë se viktima Liridona Ademaj në natën kritike kishte pasur stoli të arit. Murseli paraprakisht kishte thënë se Liridona nuk ka pasur me vete gjëra me vlerë.
“Viktima ka pasur me vete në të duart. Siç e shihni në këtë fotografi në dorën e majtë ka patur dy bylyzykë të arit dhe një unazë të arit, ndërsa në anën e djathtë një bylyzyk të arit. Për më tepër këto stoli që i ka pasur bashkëshortja juaj, të gjitha të arit, janë paraqitur në foto pasi janë marrë pas realizimit të autopsisë së të ndjerës”, tha Kryetarja e trupit gjykues, Fatime Dermaku.
Në disa pamje të tjera është shfaqur edhe momenti kritik i qëllimit me armë të Liridonës dhe pamje të tjera brenda veturës.
