Një incident verbal ka ndodhur sot në një restorant në Prishtinë, ku veterani i Ushtrisë Çlirimtare të Kosovës, Agim Pllashniku, është përplasur me deputeten e Lëvizjes Vetëvendosje, Fitore Pacolli.
Në një video që po qarkullon në rrjete sociale, Pllashniku shihet duke ia dorëzuar një faturë deputetes Pacolli, me pretendimin se ajo duhet ta paguajë. Ai e akuzon atë për korrupsion, duke e quajtur “hajne” dhe duke shtuar se “duhet me t’ardhë marre që po e vjedh Kosovën”.
“Marre me vjedh këtë shtet”, dëgjohet duke thënë veterani i UÇK-së.
Deputetja Pacolli shihet në video duke ia hedhur faturën Pllashnikut dhe duke reaguar e tensionuar, duke thënë se “nuk frikësohet”.
Burime të sigurta kanë konfirmuar se Agim Pllashniku është arrestuar para pak çastesh nga Policia e Kosovës, lidhur me këtë incident.
Ende nuk ka një deklaratë zyrtare nga deputetja Pacolli apo Policia e Kosovës në lidhje me rastin.
