Një plagosje me armë zjarri është regjistruar pasditen e së shtunës në rrugën “Mark Sopi” në Prishtinë.
Sipas raportit 24-orësh të Policisë, dy persona, në rrethana ende të panjohura, kanë plagosur një person tjetër.
Viktima është dërguar për trajtim mjekësor në Qendrën Klinike Universitare të Kosovës (QKUK), ndërsa të dyshuarit ndodhen në arrati.
Ndërkaq, në vendin e ngjarjes, njësitë policore kanë gjetur dhe sekuestruar dy gëzhoja dhe një fishek.
“Raportohet se në rrethana ende të pa njohura dy të dyshuar meshkuj kosovarë me armë zjarri kishin plagosur viktimën mashkull kosovar. Viktima është dërguar në QKUK për tretman mjekësor. Në vendin e ngjarjes janë gjetur dhe sekuestruar dy gëzhoja dhe një fishek. Të dyshuarit gjenden në arrati, përderisa rasti po hetohet nga njësitet kompetente policore”, thuhet në raportin 24-orësh të Policisë.
