Pas zjarreve të djeshme pranë fshatit Corroticë, një tjetër ngjarje alarmante ka goditur Preshevën sot. Sipas burimeve të Qendra.info, rreth orës 12:00 një vajzë është sulmuar nga një tufë prej rreth 8 qen endacakësh në një lagje të qytetit – një incident që vetëm sa shton frikën dhe zemërimin në mesin e qytetarëve.
E lënduara ka marrë ndihmën e parë në Shtëpinë e Shëndetit në Preshevë dhe ndodhet jashtë rrezikut për jetën. Por pyetja shtrohet: a do të pritet tragjedia e radhës për të reaguar institucionet?
Qyteti po përballet me situata të njëpasnjëshme emergjente – nga zjarret që kërcënojnë zonat malore, te qentë që sulmojnë në mes të qytetit – ndërsa autoritetet lokale po sillen si spektatorë të pafuqishëm.
