Presidenti i Serbisë, Aleksandar Vuçiç, do të udhëtojë drejt kryeqytetit rus për të marrë pjesë në Paradën e Fitores që mbahet më 9 maj në Sheshin e Kuq në Moskë, me rastin e 80-vjetorit të fitores ndaj fashizmit në Luftën e Dytë Botërore.
Sipas qendra.info, Kremlini ka njoftuar se Vuçiç pritet të zhvillojë edhe një takim bilateral me Presidentin e Rusisë, Vladimir Putin, ditën e premte.
Media në Serbi kanë raportuar se Letonia dhe Lituania të kenë ndaluar kalimin e avionit presidencial serb në hapësirën e tyre ajrore. Megjithatë, nuk ka ende një konfirmim zyrtar, duke lënë të paqartë se cilin korridor ajror do të ndjekë avioni i Vuçiçit.
Rusia pritet të mirëpresë më shumë se 20 liderë botërorë në këtë ceremoni, e cila konsiderohet një nga ngjarjet më të rëndësishme për politikën dhe simbolikën historike të Kremlinit.
