Temperaturat përvëluese kanë goditur sot Prishtinën, ku termometri ka shënuar deri në 36 gradë Celsius. Qyteti është përfshirë nga nxehtësia ekstreme, duke e bërë ditën ndër më të nxehtat e këtij sezoni deri tani.
Rrugët ishin dukshëm më të zbrazëta në orët e mesditës, ndërsa qytetarët kërkuan freski në hije, lokale apo ambiente të mbyllura me ajër të kondicionuar.
Pritet që ditët e ardhshme të vazhdojnë me temperatura të larta, ndaj rekomandohet kujdes i shtuar, veçanërisht gjatë orëve të pikut të nxehtësisë.
