Rezultatet preliminare të zgjedhjeve kanë sjellë befasi në kryeqytet, veçanërisht në disa qendra votimi në zona urbane të Prishtinës.
Sipas të dhënave, Lëvizja Vetëvendosje vazhdon të kryesojë bindshëm në shumicën e qendrave të votimit. Megjithatë, surpriza qëndron te renditja e partive pas saj, ku në shumë shkolla PDK-ja është pozicionuar e dyta, duke lënë pas LDK-në.
Në shkollat “Naim Frashëri” dhe “Sami Frashëri”, VV-ja ka dalë e para, ndërsa LDK-ja është renditur pas saj. Ndërkohë, në pjesën më të madhe të shkollave të tjera në qytet, PDK-ja ka siguruar vendin e dytë.
Kjo radhitje është shënuar në qendrat e votimit si: shkolla “Faik Konica”, “Dardania”, “Shtejfën Gjeçovi”, Fakulteti Filologjik, Fakulteti Teknik, shkolla “Hasan Prishtina”, “Ali Sokoli”, “Ismail Qemali”, “Pavarësia”, “7 Marsi” dhe “Mitrush Kuteli”.
Rezultatet përfundimtare pritet të konfirmojnë trendet e votimit në kryeqytet dhe ndikimin e tyre në ndarjen e mandateve.
