Rasti është zbuluar rreth orës 17:00, gjatë një patrullimi rutinë të Policisë në rrugën “11 Maji”. Njësia policore ka ndaluar një veturë të tipit Mercedes, në të cilën ndodheshin një burrë dhe një vajzë. Shoferi ishte A.D., rreth 30 vjeç, ndërsa pasagjere një vajzë rreth 15-vjeçare.
Pas verifikimit të identitetit të të miturës, është kontaktuar nëna e saj, e cila është paraqitur në vendngjarje. Të dyja janë shoqëruar më pas në Stacionin Policor në Prizren.
Sipas burimeve të Sinjalit, gjatë një interviste me hetuesen kujdestare dhe në prani të nënës së saj, e mitura ka deklaruar se kishte pasur marrëdhënie intime me të dyshuarin në disa raste.
Pas këtyre deklaratave, në rast janë përfshirë njësitë relevante, përfshirë Hetimet Rajonale, Qendrën për Punë Sociale dhe Prokurorinë për të Mitur.
Ndaj A.D. është iniciuar rasti për veprën penale “Dhunim” dhe me urdhër të prokurorit, ai është ndaluar për 48 orë./gazetametro.net
