Është publikuar fotografia e parë që tregon momentin e kapjes së Nicolás Maduro-s, ish-presidentit të Venezuelës, pas operacionit të forcave amerikane në Karakas. Pamja, e shpërndarë fillimisht në rrjete sociale dhe më pas nga disa media ndërkombëtare, konfirmon ndalimin e tij pas ndërhyrjes ushtarake të SHBA-së.
Sipas burimeve mediatike, fotografia është marrë menjëherë pas operacionit të natës, gjatë të cilit Maduro u nxor nga kryeqyteti venezuelian. Autoritetet amerikane nuk kanë dhënë ende detaje zyrtare mbi vendndodhjen e tij aktuale, por pritet që ai të dërgohet në Shtetet e Bashkuara për t’u përballur me akuza për trafik droge, korrupsion dhe shkelje të të drejtave të njeriut.
Kapja e Maduro-s shënon një zhvillim historik për Venezuelën, pas më shumë se 13 vitesh në pushtet, dhe vjen mes përshkallëzimit të tensioneve mes Uashingtonit dhe regjimit në Karakas. Ndërkohë, situata në kryeqytet mbetet e tensionuar, me prani të shtuar sigurie dhe reagime të forta si nga mbështetësit, ashtu edhe nga kundërshtarët e tij.
Zyrtarë ndërkombëtarë pritet të reagojnë në orët në vijim, ndërsa e ardhmja politike e Venezuelës mbetet e paqartë./Qendra.INFO
