E për këto dëshmi Qeveria Kurti dhe Presidentja Osmani deri më tani nuk nxorën zë. Ndonëse kjo çështje ka tërhequr vëmendjen nga politika, ani pse partitë politike po prezantojnë kandidatët dhe ofertat e tyre nëpër komunat e Kosovës, tema kryesore në vend vazhdon të mbetet procesi gjyqësor ndaj ish-krerëve të UÇK-së.
Përderisa Amerika e shpalli të ‘padëshiruar’ Kryeministrin e vendit Albin Kurti, të njëjtën periudhë amerikanët zbarkuan në Holandë për të kërkuar drejtësi për çlirimtarët.
Madje edhe Edi Rama kryeministër i Shqipërisë, që nga fillimi i procesit beson në pastërtinë e UÇK-sè dhe kërkon drejtësi për çlirimtarët.
“Drejtësi pra, vetëm drejtësi , asgjë më shumë se sa drejtësi, e asgjë tjetër përveç drejtësisë për Kosovën dhe Çlirimtarët”, kishte deklaruar Rama.
Zëra kishte edhe nga Maqedonia që zgjodhën ta përqafonin të vërtetën dhe vetëm të vërtetën duke ngritur gishtin në drejtim të padrejtësive dhe ‘luftës’ së egër që po bëhet tash e pesë vite ndaj Thaçit e të tjerëve me mbajtjen e tyre në Hagë.
Kryetari i Bashkimit Demokratik për Integrim (BDI), Ali Ahmeti shprehet se e vërteta del në sipërfaqe dhe të gjitha shpifjet dhe propaganda dashakeqe u çmontuan në Hagë.
“Lufta jonë për pragun e shtëpisë ishte e drejtë, e duhur dhe e domosdoshme, prandaj dhe u përkrah nga Washingtoni, Brukseli, Londra, Parisi,Roma, Berlini dhe e gjithë bota liridashëse”, deklaron Ahmeti.
Por për rëndësinë e dëshmisë kanë dhënë qëndrimin e tyre edhe njohësit e çështjeve juridike ku kanë bërë me dije se dëshmia e ish-zyrtarit të lartë amerikanë James Rubin ka bërë në kthesë të madhe në proces.
Arsim Bajrami u shpreh se Rubin rrëzoi konstrukcionin e akuzës së montuar nga Zyra e Prokurorit të Specializuar për të ashtuquajturën “ndërmarrje të përbashkët kriminale”.
“Kjo dëshmi ishte historike, sepse përbënte një rrëfim autentik të Rubin dhe të qeverisë amerikane mbi luftën e drejtë të Ushtrisë Çlirimtare të Kosovës. Me argumente të fuqishme dhe të pa kundërshtueshme, Rubin rrëzoi konstrukcionin e akuzës së montuar nga Zyra e Prokurorit të Specializuar për të ashtuquajturën “ndërmarrje të përbashkët kriminale”. Gjatë tri ditëve të dëshmisë së tij, Rubin tregoi në mënyrë autentike rolin e Presidentit Hashim Thaçi në ndërtimin e paqes dhe krijimin e partneritetit strategjik me NATO-n dhe shtetet perëndimore”, tha Bajrami.
Edhe profesori Blerim Latifi e pa si një moment të rëndësishëm dëshminë e hollësishme të ish-zyrtarit amerikan, i cili foli për pastërtinë e Hashim Thaçit dhe liderëve të tjerë të UÇK-së.
“James Rubin, i cili sot dëshmoi fuqishëm në mbrojtje të UÇK-së, është njëri ndër hebrenjtë e shumtë që kanë lanë gjurmë në historinë e lirisë së Kosovës”, shkroi Latifi.
Pas dëshmisë së gjatë të James Rubin për lidhjet e Hashim Thaçit dhe UÇK-së me administratën e atëhershme amerikane, gazetari Valon Syla krijojë shkurtimisht një përmbledhje ku tha se Kosova ka rënë në një gjendje ku më amerikanët as nuk flasin me qeverinë e sotme.
Dëshmia e Rubin gjatë së hënës hodhi dritë mbi bashkëpunimin e fortë të Thaçit me administratën amerikane, si dhe për rolin e tij në drejtimin e UÇK-së kah Perëndimi./gazetametro.net
