Qeveria në detyrë e Republikës së Kosovës ka zhvilluar një mbledhje elektronike, ku janë miratuar tre vendime të rëndësishme.
Sipas njoftimit të Zyrës së Kryeministrit, është aprovuar kërkesa për t’i propozuar Presidentes dhënien e autorizimit Ministrisë së Financave që të nënshkruajë Marrëveshjen e Kredisë me Bashkimin Evropian për programin “Instrumenti për Reforma dhe Rritje në Ballkanin Perëndimor”. Në këtë marrëveshje, Kosova paraqitet si huamarrëse, ndërsa Banka Qendrore si agjent i huamarrjes.
Po ashtu, është miratuar kërkesa e Agjencisë Kosovare të Privatizimit për kthimin e 6,405 eurove në ndërmarrjen shoqërore “Çeliku”.
Vendimi i tretë ka të bëjë me miratimin e kërkesës së Ministrisë së Financave për kursime dhe ndarje buxhetore sipas anekseve të paraqitura.
