Teksa çmimet e derivateve vazhdojnë të rriten, Qeveria e Kosovës mbetet pa veprime konkrete për të lehtësuar barrën e qytetarëve.
Në një kohë kur vendet e rajonit kanë ndërhyrë me ulje të akcizës dhe TVSH-së, ekzekutivi kosovar është mjaftuar vetëm me kufizimin e fitimit të kompanive—një masë që nuk ka ulur çmimet, por vetëm ka frenuar abuzimet.
Arsyetimet për hezitim në ndërhyrje fiskale nuk po i bindin ekspertët. Sipas tyre, mungesa e reagimit të shpejtë po i kushton drejtpërdrejt qytetarëve, të cilët po përballen me një kosto gjithnjë e më të lartë jetese.
Nëse trendi aktual vazhdon, paralajmërohet se çmimi i naftës mund të arrijë deri në 2 euro për litër, duke hapur rrugë për një valë të re shtrenjtimesh në ekonomi.
