Kryeministri Edi Rama ka bërë një deklaratë interesante dhe ambicioze, duke zbuluar se Shqipëria është në negociata për të pritur Glob Soccer Awards – edicionin europian, një nga ngjarjet më prestigjioze në botën e futbollit. Sipas tij, ka një mundësi shumë reale që ceremonia të zhvillohet në Tiranë (ose ndoshta në Durrës), dhe se vendi është në konkurrencë me Madridin për organizimin.
Ai gjithashtu përmendi emrin e Lamine Yamal, yllin e ri të Barcelonës dhe përfaqësueses spanjolle, duke thënë se do të ishte “fantastike” që një çmim i madh, si ai i futbollistit më të mirë të vitit, t’i jepej pikërisht atij në Tiranë, nëse vendi do të përzgjidhet si mikpritës i këtij eventi.
