Një grua është raportuar e zhdukur në qytetin e Rahovecit.
Sipas raportit të Policisë së Kosovës, rasti është paraqitur më 14 korrik rreth orës 13:00, në rrugën “Sulejman Kollari”.
“Është raportuar se viktima, një femër kosovare, është larguar nga shtëpia dhe që nga ajo kohë nuk dihet asgjë për vendndodhjen e saj,” thuhet në njoftimin e policisë.
Autoritetet kanë konfirmuar se rasti është nën hetime dhe po ndërmerren veprimet e nevojshme për gjetjen e personit të zhdukur.
Policia u bën thirrje qytetarëve që nëse kanë ndonjë informacion lidhur me rastin, të kontaktojnë menjëherë organet kompetente.
