Kurti teksa po mbahet mbledhja e Qeverisë, tha se “diskutimet publike që po bëhen dhe gjykimet publike që po jepen janë veçanërisht të vështira për familjen Zejnullahu dhe miqtë e të ndjerit”.
“Lajmi për vdekjen e tij na ka tronditur të gjithëve. Shumëçka prej asaj që ka ndodhur mes natës së 7 korrikut tashmë është pubulike edhe falë incizimeve të dëshmitarëve.
“Por për të kuptuar gjithçka se çfarë ka ndodhur duhet hetim profesional nga institucionit . Për ketë bashkëpunimi ndërmjet Policisë së Kosovës, Inspektoratit të Policisë së Kosovës (IPK) dhe Institutit të Mjekësisë Ligjorë (IML) dhe Prokurorisë është thelbësorë. Pesë zyrtarë policor tani më janë në paraburgim. Unë kërkoj dhe pres hetim të thellë dhe sa më të shpejtë që zbardhë të vërtetën e plotë dhe I bënë të njohura të gjitha rrethanat ashtu që të vendoset drejtësia dhe të arrihet llogaridhëniaDua të bëj të qartë se nuk do të ketë strehë në institucione për këdo që mund të ketë tejkaluar kompetencat, apo shkelur ligjin. Shërbimi në uniformë është fisnikëri, por autoriteti është përgjegjësi”.
“Diksutimet publike që po bëhen dhe gjykimet publike që po jepen janë veçanërisht të vështira për familjen Zejnullahu dhe miqtë e të ndjerit. Në të njëjtën kohë tendenca që të nisë një antifushatë ndaj Policisë është e dëmshme dhe nuk është zgjidhje. Thirrjet për drejtësi janë të drejta, por ato më së miri realizohen me rezlutatet e plota të hetimeve dhe një verdikt profesional. Vetëm atëherë sigurohemi që llogaridhënia institucionale bëhet përgjigje për rastin dhe garanci që situata të ngjashme të mos na u përsëriten asnjëherë”, tha Kurti ndër të tjera.
