“Sonte, Izraeli ndërmori veprime të njëanshme kundër Iranit. Ne nuk jemi të përfshirë në sulme kundër Iranit dhe prioriteti ynë kryesor është mbrojtja e forcave amerikane në rajon,” tha Rubio, sipas një deklarate zyrtare të Shtëpisë së Bardhë.
Sulmet izraelite, që kanë shkaktuar dëme të mëdha ndaj programit bërthamor iranian dhe udhëheqësve ushtarakë të lartë, janë cilësuar nga kryeministri Benjamin Netanyahu si një operacion që do të vazhdojë.
Nga ana e tij, udhëheqësi suprem i Iranit ka paralajmëruar Izraelin për një “ndëshkim të rëndë” pas këtyre sulmeve, duke theksuar rritjen e tensioneve në rajon.
“Izraeli na njoftoi se ata besojnë se ky veprim ishte i nevojshëm për vetëmbrojtjen e tij. Presidenti Trump dhe Administrata kanë ndërmarrë të gjitha hapat e nevojshëm për të mbrojtur forcat tona dhe mbeten në kontakt të ngushtë me partnerët tanë rajonalë. Më lejoni të jem i qartë: Irani nuk duhet të synojë interesat ose personelin e SHBA-së”, tha Rubio./Periskopi/
Shpërndaje në:
FacebookTwitterWhatsAppViber
