“Mbrojtja e forcave amerikane është përparësia jonë kryesore dhe këto vendosje kanë për qëllim të përmirësojnë qëndrimin tonë mbrojtës në rajon”, tha Hegseth në një postim në rrjetin social X.
Edhe pse nuk specifikoi se për çfarë kapacitetesh shtesë bëhej fjalë, një zyrtar amerikan konfirmoi më parë për NewsNation se ushtria amerikane kishte zhvendosur një numër të madh avionësh furnizimi me karburant në Evropë.
Ky veprim, shtoi zyrtari, synon t’i “ofrojë mundësi” presidentit të SHBA-së, Donald Trump, mes tensioneve në rritje.
