Kryetari i PDK-së, Memli Krasniqi, zbulon në Rubikon se pas kontaktimeve për ta votuar qeverinë Kurti 3 qëndronin kryesisht biznesmenë të pasuruar me tenderë multimilionësh gjatë qeverisjes së VV-së.
“Isha i bindur se dështon. Nuk kam pasur asnjë dyshim se deputetët e PDK-së do të qëndronin besnikë vijës partiake. Fatmirësisht, nuk u përsërit rasti i ‘Adelia Grainca’,” tha Krasniqi.
Ai theksoi se tentativat ishin në linjë personale dhe përmes bizneseve, por nuk arritën të ndikojnë në votimin e deputetëve.
Kjo zbulon përpjekjet e jashtëzakonshme për të ndikuar formimin e qeverisë, që në fund dështuan.
