12 tetor 2025,– Një 35-vjeçar me shtetësi italiane, i cili raportohet të jetë me prejardhje shqiptare, është arrestuar nga autoritetet serbe në pikëkalimin kufitar të Merdares.
Sipas Ministrisë së Brendshme të Serbisë, personi me inicialet E.E. po udhëtonte me një automjet të tipit Peugeot dhe në bagazhin e tij është gjetur një fanellë me simbolet e Ushtrisë Çlirimtare të Kosovës (UÇK).
Mediat serbe raportojnë se ndaj tij është vendosur masë ndalimi deri në 48 orë, me arsyetimin për dyshime mbi nxitje të urrejtjes etnike.
Autoritetet serbe nuk kanë sqaruar nëse arrestimi ka ndodhur para apo pas ndeshjes së futbollit mes përfaqësuesve të Serbisë dhe Shqipërisë, e cila përfundoi me rezultatin 1:0 në favor të Shqipërisë.
