Në qytetin e Shkodrës do të ngrihet një projekt madhështor arkitektonik që pritet të shndërrohet në një prej ndërtesave më ikonike të rajonit – “Rozafa Tower”.
Kjo kullë gjigande, pjesë e investimeve të grupit Rozafa, është dizajnuar në bashkëpunim me studiot ndërkombëtare të arkitekturës FRPO (Spanjë) dhe SelgasCano, ndërsa realizimi në terren do të udhëhiqet nga arkitekti lokal Besnik Grainca, udhëheqës i ndërtimit: Inxhinier Emirgen Marku dhe për Shitje & Marketing: Esin Lekiqi +355 68 800 0444
Me një koncept modern dhe inovativ, “Rozafa Tower” synon të sjellë jo vetëm zhvillim të infrastrukturës urbane, por edhe të bëhet qendër e re e jetës ekonomike, sociale dhe kulturore në Shkodër.
Në faqen zyrtare të projektit rozafa-a.al theksohet se ndërtimi i kullës është i lidhur ngushtë me vizionin për të ardhmen e qytetit, duke kombinuar arkitekturën bashkëkohore me investimet e reja në sektorin e ndërtimit dhe turizmit.
Kjo ndërtesë do të jetë një pikë referimi jo vetëm për Shkodrën, por për gjithë Shqipërinë, duke e vendosur qytetin në hartën e arkitekturës moderne evropiane.
