Më 18 qershor 2025, në Skenderaj do të inaugurohet shtatorja e Zahide Geci Jasharit, nënës së heroit legjendar Adem Jashari. Kjo vepër përkujtimore do të vendoset në oborrin e çerdhës që mban emrin e saj – një nderim simbolik për figurën e saj si nëna e një prej emrave më të shquar të luftës për liri në Kosovë.
Përjetësimi i Zahide Geci Jasharit në bronz vjen si shenjë respekti për rolin e saj në historinë kombëtare dhe sakrificën e familjes Jashari në shërbim të atdheut. Inaugurimi pritet të mbahet në prani të familjarëve, përfaqësuesve të institucioneve dhe qytetarëve.
Ky akt përforcon kujtesën historike për gratë që kanë qëndruar në prapavijë të luftës, por që sakrifica e tyre mbetet e pashlyer në ndërgjegjen kolektive të popullit shqiptar.
Qendra.Info do të raportojë nga afër ceremoninë përuruese dhe fjalimet që do ta shoqërojnë këtë ngjarje domethënëse.
