Në rrugën Brus-Kopaonik më 21 mars 2025 ka ndodhur një aksident trafiku ku ka mbetur i plagosur rëndë një çift i moshuar. Një çift i moshuar u lëndua kur Lada e tyre u godit nga një Shkoda në korsinë e tyre të trafikut, një veturë që po parakalonte dhe në të cilën ndodheshin dy të rinj, emrat e të cilëve dihen tashmë.
Lajmi për këtë aksident trafiku përveç që nuk është publikuar gjëkundi, është e pazakontë edhe fakti që shoferi dhe pasagjeri nuk janë ndaluar dhe nuk kanë kaluar procedurën e zakonshme policore për një aksident me lëndime të rënda.
Shoferi dhe pasagjeri i veturës Shkoda nuk kanë pësuar lëndime, ndërsa drejtuesi i mjetit Lada ka pësuar lëndime të rënda dhe është në rrezik për jetën. Edhe gruaja e tij është plagosur rëndë dhe ka fraktura. Çifti i plagosur, emrat e të cilëve dihen edhe redaksitë e disa mediave serbe, janë nga Beogradi dhe janë në terapi intensive. Se lajmi për aksidentin rrugor nuk u publikua askund dhe se shoferi dhe pasagjeri i veturës së dëmtuar nuk kanë kaluar procedurën e zakonshme policore, tregojnë informacionet jozyrtare që portali Radari i ka marrë nga personat që kanë qenë në vendin e ngjarjes pas aksidentit.
Ata thanë se të rinjtë që ndodheshin në limuzinën Shkoda ishin pjesëtarë të sigurimit të Milan Radoiçiqit, ish-nënkryetarit të Listës Serbe në Kosovë, i cili është i përfshirë në hetimet për Banjskën dhe më parë ishte në Prishtinë nën hetim për vrasjen e Oliver Ivanoviqit.
Radoiçiq është mysafir i shpeshtë i Kopaonikut, me të cilin ishte i lidhur edhe në biznes. Pas Banjskës, ai hoqi dorë nga pjesa e tij prej 40 për qind të pronësisë në kompanitë e përbashkëta që kishte me kumbarin e tij Zvonko Veselinoviq dhe vëllain e kumbarit Zharko Veselinoviq. Fitimi i këtyre kompanive ishte rekord për Serbinë. Kështu Radoiçiq hoqi dorë zyrtarisht nga bashkëpronësia e hotelit të famshëm në resortin më të madh të skive në Serbi. Në qendër të Kopaonikut, rrëzë një prej pistave të skijimit, ndodhet hoteli Grey, i cilësuar në faqen e internetit si “i pajisur në mënyrë luksoze, me pesë yje”, me dhjetëra dhoma dhe suita, një pishinë, një qendër spa dhe një restorant. Pronare e objektit dhe parcelës prej 25 ari është kompania Dolly Bell me seli në Beograd – një kompani bijë e Inkopës, dikur në pronësi të vëllezërve Veselinoviq dhe Radoiçiq.
