Një reagim i papërshtatshëm ka shpërthyer në rrjete sociale nga përkrahësi i Lëvizjes Vetëvendosje, Mentor Llugaliu, i cili ka sulmuar ashpër ambasadorin e Gjermanisë në Kosovë, Jorn Rohde.
Në një postim në Facebook, Llugaliu ka përdorur gjuhë fyese dhe denigruese ndaj ambasadorit, duke e quajtur atë “zëdhënës të Serbisë”. Ky reagim erdhi pas deklaratës së ambasadorit Rohde lidhur me çështjen e ndërtimit të dy urave mbi lumin Ibër, ku ai kishte sugjeruar se do të ishte më mirë të zgjidhej problemi i trafikut në hyrje të Vushtrrisë sesa të ndërtoheshin këto ura.
Deklarata e ambasadorit është interpretuar si nënvlerësim i një projekti infrastrukturor të rëndësishëm për qytetarët e Mitrovicës dhe rajonit, por reagimi i Llugaliut ka kaluar çdo kufi diplomatik dhe etik.
Ky sulm verbal ndaj një përfaqësuesi të një prej shteteve më të fuqishme dhe më mbështetëse të Kosovës, siç është Gjermania, është konsideruar i papranueshëm dhe skandaloz nga opinioni publik.
Qytetarët po e shohin këtë si një dëm të madh për imazhin e Kosovës, sidomos në raport me partnerët ndërkombëtarë.
👉 Si mendoni ju, a duhet që subjektet politike të distancohen nga përkrahësit e tyre kur ata përdorin gjuhë të tillë fyese ndaj diplomatëve të huaj?
