Pas vendimit të Gjykatës Kushtetuese, ku deputetëve të Kosovës u jepet një afat prej 30 ditësh për konstituimin e Kuvendit, Kurti vendosi të ulet në bisedime me partitë tjera.
Ky takim, sipas Kurtit, bëhet për qëllim të arritjes së konsensusit dhe të bashkëpunimit, në mënyrë që të kalohet kriza e krijuar në Kuvend.
Seanca konstituuese ka filluar më 15 prill dhe po vazhdon që 38 herë, por pa sukses. Partitë s’kanë arritur marrëveshje për zgjedhjen e kryetarit, ndërsa partia e parë, në këtë rast Vetëvendosja, nuk i ka votat e mjaftueshme për shumicë të thjeshtë parlamentare./gazetametro.net
