Ministrja e Punëve të Jashtme e Shqipërisë, Elisa Spiropali, është takuar me Zëvendës Presidenten e Komisionit Europian dhe Përfaqësuesen e Lartë të BE për Politikën e Jashtme dhe Sigurinë, Kaja Kallas.
Spiropali theksoi rëndësinë e angazhimit të Shqipërisë si faktor i sigurisë rajonale dhe partner i besueshëm e proaktiv i Bashkimit Evropian, duke vënë në dukje se mbështetja për Ukrainën dhe sigurimi i stabilitetit në rajon mbeten prioritete kryesore.
“Krijimi i perspektivës europiane për Ballkanin Perëndimor, përfshirë Kosovën, është një investim strategjik për të ardhmen e përbashkët nën qiellin europian,” tha Spiropali, duke nënvizuar edhe rëndësinë e bashkëpunimit financiar dhe mbështetjes nga BE-ja për Shqipërinë./QENDRA.INFO
