Ish-kryenegociatorja e Kosovës, Edita Tahiri, ka reaguar sot lidhur me diplomacinë e Kosovës, pas takimit që ka pasur ministri i Jashtëm i Serbisë, Marko Djuric, me sekretarin e shtetit amerikan, Marco Rubio. Ajo ka kritikuar ministren e Jashtme në detyrë, Donika Gërvalla-Schwarz, gjersa thekson se ajo është e strukur e zhdukur nga diplomacia, shkruan Gazeta Metro.
Tahiri është shprehur se Qeveria aktuale e ka katandisur keq Kosovën, teksa shton se përgjegjësit për diplomaci duhet t’ia “vënë gishtin kokës”
“Ministri i jashtëm i Serbisë takoi sekretarin e shtetit amerikan. Rubio. Presidentja jonë takoi zëvendëssekretarin e shtetit amerikan para një kohe kur ishte ne Amerikë, e mos të flasim për ministren tonë të jashtme – e strukur e zhdukur nga diplomacia. Duhet t’ia vënë gishtin kokës këta që kanë përgjegjësi për diplomacinë e shtetit tonë. E katandisen Kosovën!”, shkruan ajo.
Sekretari i Shtetit Amerikan, Marco Rubio, ka pritur në takim Minisitrin e Punëve të Jashtme të Serbisë, Marko Djuric, të mërkurën, ku kanë njoftuar për vazhdimin e diskutimeve strategjike mes dy shteteve në fund të këtij viti.
Këtë e bëri të ditur të mërkurën vetë Sekretari Amerikan Rubio në X, njoftim që e ndau edhe Shtëpia e Bardhë të mërkurën./gazetametro.net
