Të paktën shtatë persona kanë humbur jetën pas rrëzimit të një avioni transportues të kompanisë UPS, i cili u rrëzua menjëherë pas ngritjes nga Aeroporti Ndërkombëtar “Muhammad Ali” në Louisville, Kentucky, njoftuan autoritetet lokale.
Sipas guvernatorit të Kentucky-t, Andy Beshear, 11 persona të tjerë janë plagosur, disa prej tyre me lëndime të rënda. Ai theksoi se numri i viktimave mund të ndryshojë pasi operacionet e kërkim-shpëtimit janë ende duke vazhduar.
Avioni i ngarkuar me rreth 38 mijë gallon karburant po udhëtonte drejt Honolulu-t. Rrëzimi shkaktoi një zjarr të madh dhe tym të dendur në zonën përreth, ndërsa dy biznese afër vendit të aksidentit u dëmtuan. Disa persona nga këto biznese raportohen të jenë ende të paidentifikuar.
Në bord ndodheshin tre anëtarë të ekuipazhit. UPS nuk ka dhënë ende informacione mbi gjendjen e tyre shëndetësore.
Autoritetet vendosën urdhër “qëndro në shtëpi” në një zonë pranë aeroportit, i cili më vonë u ngushtua në një rreze prej një milje. Shkollat publike në Louisville njoftuan mbylljen për një ditë për shkak të situatës.
Sipas të dhënave paraprake, dyshohet se shkaku i rrëzimit lidhet me një problem në motor gjatë ngritjes./Qendra.INFO/ABC
