TikTok ka lansuar një version të ri të aplikacionit të saj të quajtur “TikTok Pro” në Gjermani, Portugali dhe Spanjë. Ky version përfshin programin e ri të TikTok-ut, të quajtur “Sunshine Programme”, i cili u mundëson përdoruesve të mbështesin organizatat bamirëse.
Përdoruesit mund të fitojnë “diell virtual” duke ftuar të tjerët që t’i bashkohen aplikacionit dhe duke ndërvepruar me përmbajtje që lidhen me bamirësinë – si p.sh. pëlqimi apo shpërndarja e videove, ndjekja e llogarive bamirëse apo kërkimi për kauza humanitare. Më pas, këtë “diell virtual” mund ta përdorin për të mbështetur një organizatë bamirëse, dhe TikTok do të bëjë një donacion në emër të tyre.
Vlen të theksohet se përmbajtja në TikTok Pro është e njëjtë me atë në versionin standard të TikTok-ut, sipas raportimit të Social Media Today. Ndryshimi kryesor është se TikTok Pro nuk përmban livestream, blerje online apo reklama.
TikTok ka deklaruar se ideja e aplikacionit të ri është që të “mundësojë qytetarëve evropianë të mbështesin organizatat bamirëse duke zbuluar përmbajtje argëtuese dhe interesante në TikTok.”
