Një ngjarje e rëndë ka ndodhur në Gjermani, ku një i ri nga Malisheva ka humbur jetën si pasojë e një aksidenti trafiku.
Viktima është identifikuar si Linor Krasniqi, 19 vjeç. Lajmin për vdekjen e tij e ka konfirmuar për Klan Kosova kryetari i Komunës së Malishevës, Ekrem Kastrati.
Sipas raportimeve të para, Krasniqi ka lindur në Gjermani, nga prindër me prejardhje shqiptare nga Kosova.
Autoritetet gjermane po vazhdojnë hetimet për të sqaruar rrethanat e plota të aksidentit tragjik.
Ngjarja ka shkaktuar pikëllim të madh në komunitetin shqiptar në Gjermani dhe në vendlindjen e familjes së viktimës në Malishevë.
