Rukiqi: Me një vendim, nafta mund të bjerë në 1.35€ në Kosovë
Berat Rukiqi nga Lidhja Demokratike e Kosovës ka reaguar për çmimet e larta të naftës, duke thënë se Kosova mund ta ulë menjëherë çmimin me një vendim të vetëm të qeverisë.
Sipas tij, kjo do të ishte e mundur nëse ulet TVSH-ja nga 18% në 8% dhe përgjysmohet akciza.
Aktualisht, qytetarët paguajnë rreth 1.70 euro për litër. Por, sipas llogaritjeve të Rukiqit:
- Nga ulja e TVSH-së do të kurseheshin rreth 17 cent për litër
- Nga përgjysmimi i akcizës rreth 17.5 cent për litër
Në total, çmimi do të ulej për rreth 35 cent për litër.
Kjo do ta çonte çmimin e naftës nga 1.70€ në rreth 1.35€ për litër.
Deklarata vjen në një kohë kur çmimet globale të naftës janë rritur ndjeshëm, pas tensioneve dhe bllokimit të Ngushtica e Hormuzit.
