Para se të hipte në Marine One në Shtëpinë e Bardhë, ish-presidenti amerikan Donald Trump deklaroi se SHBA-ja është shumë pranë arritjes së një marrëveshjeje për Gazën.
“Mendoj se kemi, ndoshta, një marrëveshje për Gazën. Jemi shumë afër dhe duket sikur e kemi arritur,” tha Trump për gazetarët, sipas Sky News. Ai shtoi se marrëveshja mund t’i “kthejë pengjet” dhe të “japë fund luftës”. Megjithatë, Trump nuk dha detaje të mëtejshme për përmbajtjen e saj.
Deklarata e tij vjen pak ditë pasi kryeministri izraelit Benjamin Netanyahu mbajti një fjalim në OKB, i cili u ndërpre nga fishkëllima.
