Prishtinë – Shoqata e Kosovës për Kërkim-Shpëtim ka konfirmuar se është gjetur pa shenja jete personi që ishte raportuar i zhdukur në lagjen Velania të Prishtinës.
Sipas njoftimit zyrtar, trupi i pajetë është lokalizuar nga pjesëtarët e Forcës së Sigurisë së Kosovës (FSK) dhe Shoqatës së Kosovës për Kërkim-Shpëtim (SHKKSH), në koordinim të ngushtë me Policinë e Kosovës dhe institucionet tjera relevante.
“Shoqata e Kosovës për Kërkim-Shpëtim shpreh ngushëllimet më të sinqerta për familjen Jashari dhe falënderon të gjitha ekipet për profesionalizmin dhe përkushtimin në këtë operacion”, thuhet në deklaratë.
Hetimet rreth rrethanave të vdekjes janë në proces nga autoritetet përkatëse./Qendra.INFO
