Në hyrje të Mitrovicës së Veriut është hequr reklama e njohur ndriçuese, simbol i qytetit – shkrimi “Kosovska Mitrovica” në alfabetin cirilik.
Sipas raportimeve nga vendi i ngjarjes, punëtorët kanë vijuar punën për largimin e instalacionit edhe në kushte moti me shi dhe të keq. Deri më tani nuk ka informacione zyrtare se cili autoritet ka urdhëruar heqjen e saj, por burime të Qendra.Info bëjnë të ditur se kjo është kryer me urdhër të komunës së Mitrovicës së Veriut.
Për një koment zyrtar, redaksia iu drejtua komunës, por deri në publikimin e këtij lajmi nuk ka marrë përgjigje. Policia nuk ka marrë pjesë drejtpërdrejt në operacion, por ka patrulluar disa herë në afërsi të vendit ku është kryer heqja e reklamës.
Ky veprim vjen pak ditë para zgjedhjeve lokale që do të mbahen më 12 tetor.
