Ka dështuar edhe përpjekja e radhës për ta konstituar Kuvendin e Kosovës, pasi seanca e 49-të është ndërprerë sërish nga drejtuesi i saj, Avni Dehari nga Vetëvendosje. Pavarësisht pritjeve për një marrëveshje të mundshme mes kryeministrit Albin Kurti dhe liderit të Nismës, Fatmir Limaj, emri i këtij të fundit nuk u propozua sot për postin e kryetarit të Kuvendit.
Dehari njoftoi se seanca do të vazhdojë të hënën, duke e çuar procesin në episodin e 50-të të kësaj sagë politike, që po pengon formimin e plotë të institucioneve të reja. Ky zvarritje tashmë është shndërruar në një krizë të thellë institucionale, që po kritikohet gjithnjë e më shumë nga opozita, shoqëria civile dhe qytetarët.
